Tuesday, January 22, 2008

女人滯脹

女人今日個胃腩好礙眼...
滿枱眼濶的肚窄...
跟市面格格不入...

我知道滯脹幾已成...阿門...

Saturday, January 19, 2008

Heroes

不要讓名字成為負擔...
英雄的定義在於行止...

Heroes

Wednesday, January 16, 2008

半公升眼淚...


人生本無常...
看來08年這個頭開得不太好...
單看兩位老闆...
不是親友身故,
就是遭遇不幸...

星期天, 跟女人及外母"闖關"
救岳長回港...
唔係講笑, 個間謀人寺,
照呢照魯, 幾千銀,
但無一個人講到佢情況...
更武斷地話佢有腫瘤擴散...
但, 不足一個月前,
方才在香港"check"過無事...
所以唔理三七廿一,
落番泥先再講...

外父上氣唔接下氣,
口震震, 身震震,
不停話腳痛,
外父有中風前科,
早在十多年前嘅事,
大概是我跟女人見面也未相識的日子...

瑪莉皇后一衆精英初部診斷其為: -
小腳血管有栓塞, 肺部血管也有相同問題...
小住三天CCU, 都係建議照PET/CT scan (正電子xxxxx),
盛惠HK$12,000, 唔係起碼排三個月至半年不等,
呢啲時刻, 錢已經唔在考量之列...

昨晚, 醫院來電, 話要call齊家人見面,
情況危急, 害得女人掉了半公升眼淚...
到醫院後, 見到外父係到食嘢食到摺摺聲,
衆人齊送一個"妖"

外父乃係差不多門生,
知啲唔知啲,
成日問姑娘點解無薄血針打?(通其血管...)
原來藥已改成口服劑...

其人並且係怕死但玩命一族...
自中風後, 自我放"啤",
有食唔食, "是木擎"照舊,
利口唔利身, 高胆固醇先食,
每每出事... 幾近狼來了階段...

今午照過"scan"正電子後,
要轉院到"格拉咸"...
阿彌陀佛...希望無大礙...

Monday, January 14, 2008

Are you ready?







追加...

---------------------------------------------------

有心臟病或不適者不宜觀看...


Saturday, January 12, 2008

不死頒獎傳奇

出土文物...









蘇絲黃不只一次提及,
每當提起這個互稱的honey / 國榮, 眼睛還是會濕濕的...

電視播哥哥的不死傳奇,
我以為看錯日子... 當然, 要懷念一個人... 是不論時地的...

何況, 這是一個系列式的節目...
之所以成為系列, 只因可以捐失的...
一下子都失去了...不贅...

到目前為止, 系列內, 尚且, 只有哥哥的死, 才有多少自主的成份...
節目有以五十年代的占士甸與哥哥相提並論,
只因大家都die young stay cool...

接下來, 又是電視台xx頒獎禮...

[disclamer: 純粹紀錄, 無意冒犯]
80年代有過二龍爭珠的局面,
有幸目睹兩派粉絲, 面容扭曲, 竭斯底里...
妳送一句: 「...(皺)巢皮倫!」
佢還一句: 「...基佬榮!」
好不熱鬧...

90年代有四尊佛像... 有擲螢光棒...
新紀元進入烈強爭霸, 一遍渾沌... 有榕樹腳生根...

我不是哥哥粉絲, 但是,
89年嘅"salute"係我唯一掏腰包買的...
經驗亦告訴我,
喜歡哥哥與利安嘅女性,
一向質素都有保證...

仿傚哥哥嘅, 跟女生都比較投緣...

吓! 林峰...

唔寫啦...

最痛苦莫過於此...

最痛苦莫過於此...

劇情媲美安達 充
"美雪。美雪"

次一級的, 大可同情Jerry...
袛限於漫畫版... Sorry...

Wednesday, January 09, 2008

都市型男 收入較高

今天行止專欄笑談Metrosexual一字,
順手過經濟學家及[經濟學人]一楝, 戲謔研究經費易得...
其實, 自怪誕經濟學取得成功以後,
為普及化也好, 增人流也好...
能挑起讀者興趣, 將經濟學深入淺出的闡釋,
便叫成功...

當中說明, 女性打扮為理所當然, 引述例如:[Mirror, Mirror on the wall: The effect of time spent grooming on wages]
以證男人打扮的[邊際效用比女性大],
究其原因, 為: 傳達工作專注與負責任之訊號...云云

有別於麗質天生, 悉心打扮有從行為上致力於增加[外部效應]的積極作用...
各方大兄收到無?

有時真的要向 [許冠傑/黎彼得]致敬,
Timeless 一詞又可濫用了...

先敬羅衣後敬人

Thursday, January 03, 2008

目標與願望...

08年伊始, 正如其他扑架一樣,
可能會有一大堆目標與願望希望達成...
但, 人年紀大了, 目標與願望沒有隨之減少...
只是明白到, 目標高低跟完成之間的關係...
願望的宏大, 跟能夠達成的機會率的大少...

15分鐘前, 收到(由細打交打到青春期大的)老死一通電話...
他剛在上年十一月尾才拉埋天窗...
本來有篇扑文想為他贈慶, 寫咗個頭... 未知點續下去...
丟低了...

佢以極之低落嘅情緒, 加上了無生氣的口吻,
一輪嘴告知我...
JJ: 「老婆番咗外家...」
JJ: 「...老頭子慶過火屎...」
JJ: 「...炒大鑊呀!」

LF: 「吓! 咁快(有問題)?!」
LF: 「... 攪乜嘢咁激?!」

真係家家有本難唸嘅經...
事源, 阿世伯為一長期病患者,
本身個腎打壞了多年,
所以謂想行遠啲都唔得...
瞓又無話瞓得咁多,
咪起身叮下嘢食, 沖淡茶飲下咁囉...

一般打工仔, 起居有幾大?
大家都明白, 如果唔係好似李實發咁,
新居仔爺同住, 但各一楝樓...
正所謂相見好同住難...
總有多少機會磨下擦下嘅...

就係咁, 一個醒瞓嘅媳婦,
碰上一個早起嘅家翁,
一個長期唔夠瞓,
跟一個睡得太多嘅戰事展開了...

可能時代真係唔同咗,
我以為還有初歸新抱呢d詩禮傳家嘅細節,
咁! 可能長期唔夠瞓喺會令人心火盛嘅...
咁! 如果一時意氣嘅, 咪道歉了事囉...
之但係, 相方都覺得自己無問題,
咁! 人哋阿仔! 人哋老公! 請自動自覺上枱...
或打橫瞓低做下磨心啦!

JJ: 「大哥! 好頭痕呀! 救我呀!」
JJ: 「連打個電話都要偷偷摸摸呀!」

正所謂清官難審家庭事,
呢一刻, 我腦海只浮現中銀果個廣告,
揸住水泡嘅男人變咗我老友,
海上面載浮載沈嘅世伯與嫂子,
佢(要/會)點決擇呢...

如果我話: 「不如你自己跳埋落去吧啦!」
咁喺咪好涼薄呢? (呢d時刻,真係唧都唔識笑)

老豆話: 「寧教人打仔, 莫教人分妻噃...」
咪住...
但係做後生嘅, 咁又似乎幾不孝噃...
哝! 唔對路噃! 點解好似變咗我自己嘅難題咁嘅?!

LF: 「咁啦! 事情發展到家下, 唯有靜觀其變吧啦...」
LF: 「反正企邊"庶"都係死嘅, 即管等相方下咗啖氣先(再打)算囉...」
JJ: 「咁又喺...! 唯有係咁啦...」

呢一刻, 我希望老友家宅平安, 一團和氣...
希望天從人願之外,
在這個偷來了的時間,
向各位世外高人請教呀!
Mayday... Mayday...