找 狂

唔做中唔做保
不作媒人三代好...

城: 「霖, 有無人? 欠三個(人)... 曾大屋, 10點開波...」
霖: 「我試試問下...」

霖: 「尼森, 曾大屋, 10點開波...連埋你在內, 有無三個左右?」
尼森: 「我當晚有太公波要踢, 我試試幫你問下kk...」
霖: 「ok...」

尼森: 「kk話想要曬半邊(自己一隊)...唔係唔考慮...」
霖: 「ok... 等我問問...」

霖: 「城哥, 唔好意思, 我果邊想要曬半邊... 有無偈?」
城: 「ok啦... 我推咗我呢邊啦, 好過嘥(浪費)咗個場,
但係加埋我哋三個好唔好? 反正要簽場...」
霖: 「ok... 等我問問...」

霖: 「尼森, 連埋揸場紙有三個人想join埋踢, 有無問題?」
尼森: 「ok... 等我問問...」

尼森: 「kk話無問題... 當晚著咩顏色?」
霖: 「ok... 但而家太夜, 等我明早再問問...」
尼森: 「ok!」

次日,
霖: 「城哥, 唔好意思, 當日你哋著咩顏色?...」
城: 「我哋得白色同紅色... 你哋呢?」
霖: 「我哋紅白橙都有... 」
城: 「咁你哋橙, 我哋白色啦, 無咁易撞...」
霖: 「ok, confirm(ed)... 」

霖: 「尼森, 我哋著橙色, ok?」
尼森: 「kk話唔踢喎... 如果要加埋果邊...」
霖: 「吓! 尋日咪講好咗囉?!」
尼森: 「喺呀, 唔踢喎... 」
霖: 「嘩! 有無攪錯, 成年人啦, 下話?」
尼森: 「我傳話咋! 我都唔去...」

霖: 「城哥, 真係唔好意思, 我果邊又話要曬半邊先踢... 」
城: 「吓! 尋日唔係講好咗囉?! 呀... ok啦... 好過嘥(浪費)咗個場啦...」

霖: 「尼森, ok! 全場比曬你哋...」
尼森: 「ok... 等我問問...」

15分鐘後...
手電SMS: 「大哥, 疏利, 攪唔掂...」

可能上天懲罰我,
務著眼疾偷雞去踢波...
就係咁樣,
一大督屎隨身...